நாளை திருச்சி பொதுக்கூட்டத்தில் பேசுகிறார் முதலமைச்சர் ஜெயலலிதா

வெள்ளி, ஏப்ரல் 22,2016,

முதலமைச்சர் ஜெயலலிதா நாளை(சனிக்கிழமை) திருச்சி பொதுக்கூட்டத்தில் பேசுகிறார். 

தமிழக சட்டமன்ற தேர்தலில் அ.தி.மு.க. 227 தொகுதிகளில் போட்டியிடுகிறது. அதன் கூட்டணி கட்சிகள் ‘இரட்டை இலை’ சின்னத்தில் 7 தொகுதிகளில் களம் காண்கிறது. அ.தி.மு.க. வேட்பாளர்கள்-கூட்டணி கட்சி வேட்பாளர்களை ஆதரித்து அக்கட்சியின் பொதுச்செயலாளரும், தமிழக முதலமைச்சருமான ஜெயலலிதா தனது சூறாவளி பிரசாரத்தை கடந்த 9-ந்தேதி சென்னை தீவுத்திடலில் தொடங்கினார்.

11-ந்தேதி கடலூர் மாவட்டம் விருத்தாசலத்திலும், 13-ந் தேதி தர்மபுரியிலும், 15-ந்தேதி விருதுநகர் மாவட்டம் அருப்புக்கோட்டையிலும், 18-ந்தேதி காஞ்சீபுரத்திலும், 20-ந்தேதி சேலத்திலும் முதல்-அமைச்சர் ஜெயலலிதா பிரசார பொதுக்கூட்டம் வாயிலாக பொதுமக்களிடம் வாக்குகளை சேகரித்தார்.முதலமைச்சர் ஜெயலலிதா திருச்சியில் நாளை(சனிக் கிழமை) பிரசார பொதுக்கூட்டத்தில் பேச உள்ளார்.